Frå tare til tind

I Ørsta/Volda blir du omslutta av vakker natur frå alle kantar. Sjøen, fjella, eit uttal med turstiar og gapahukar der du kan nyte brødskiva eller grille pølser før du inntek zen-modus i medbrakt hengekøye.  

Her kan du meske deg med kortreist og lokalprodusert mat og drikke i omgjevnader med minner frå svunnen tid. Området byd også på alt frå museum og gamle båtbyggjartradisjonar til musikkfestivalar i ulike sjangrar.

Aktivitetsparkar, ridesenter, pumptrackbaner, båttur, leige båt eller på vinterstida besøke eit av dei flotte skisentera i området. For dyreglade er gardsferie eit alternativ der du kan bu tett på dyra og plukke egg til frukosten.

Sunnmørsalpane overgår det meste av fjelltoppar, og er i ei klasse for seg sjølv. For deg som er toppturentusiast er dette paradis! Det er alltids ein ny fjelltopp å bestige, sommar som vinter.