Aktivitetar

Vinyl of fortune //Stødt Bar & Scene

Etter suksessen i Juli blir det endelig VINYL OF FORTUNE igjen! Ta med vinylen din på STØDT torsdag 21. november. Skriv deg opp på liste, så plottar me deg inn i «vinylhjulet». Medlemmar frå Vinyllauget er vertar og snurrar hjulet. Når pila treffer ditt namn, ta mikrofonen og fortel litt om låta du vil spele, og så snurrar me plata du har valt. Dørene opnar kl. 17, snurringa startar kl. 18. Det blir sjølvsagt servering av både mat og drikke, og det er GRATIS INNGANG.

Open Mic //ROKKEN

Fredag 22. november opnar vi scena for alle som har noko dei ønskjer å vise fram! Kanskje du har ein song, eit dikt, eit partytriks eller anna du brenn etter å vise fram? Dørene opnar 2100, ta turen innom for ein herleg kveld! Gratis inngong. Dørene opnar kl 2100. 18-års aldersgrense.

Fargesprell med Åmdalskoret Berre Damer //Ørsta kulturhus

Åmdalskoret Berre Damer byd på ny showkonsert, og temaet denne gongen er fargar! Med eit flott og variert repertoar tek Åmdalskoret Berre Damer med band eit blikk på verda sett gjennom fargar. I kjent stil skal det showast og leikast på scena, med framføring av godlåtar frå fleire sjangrar. Billett kjøpast på nettstaden til Ørsta kulturhus. Pris kr 350,-

Vassendgutane // Studenthuset Rokken

Ein konsert med Vassendgutane er ei unik oppleving. Bandet leverer eit show som få andre band i denne kategorien kan vise til. Allsongen ”runger” i store hallar og på dei store festivalane når bandet spelar. Stikkord er glede, fest og eit band som verkeleg inkluderer publikum frå første strofe. Bandet legg stor vekt på kvalitet og det visuelle uttrykket. Dei opptrer også 100% live. Det blir råning, ungkarar og hjortejakt – og sjølvsagt slagerane Ungkar med dobbelseng, Granada, Hjortejakt, Longt inne I En Fjord og Skrekkraude Rapala. Dørene opnar kl 2100. Konsertstart kl 2300. 18 års aldersgrense Medlem: 500,-/Ikkje-medlem: 550,-

Forfattarbesøk og lesestund med Solfrid Kleppe //Volda folkebibliotek

Forfattar Solfrid Kleppe kjem på besøk til Volda folkebibliotek for å ha lesestund frå den nye boka si "Marihøna Målfrid misser ein prikk".

Korpskafè//Uppheim

Korpskafé på Uppheim søndag 24. nov kl 1600 Volda hornmusikk er arrangør og har med gjestekorpsa - Folkestad/Tonika musikkorps og - Hornindal musikkorps Servering av kaker, smørbrød og drikke på inngongsbilletten. Loddsal med mange fine premiar. Pris: 200,- (barn under 16 år gratis). Kontant eller Vipps.

Jubileumskonsert: Volda blandakor //Volda kyrkje

Billett kr 250, born under 12 år gratis.

Stille natt Hellige natt 2024 //Ørsta kyrkje

Julekonsert med Alexander Rybak, Anna Lisa Kumoji, Rune Larsen og Tor Endresen. Billettar på Ticketmaster

Konsert med Ramón // Studenthuset Rokken

Ramón er ein av dei største stjernene på den norske musikkhimmelen, noko han har vore sidan det store gjennombrotet med “ok jeg lover” i 2022. Låten sette norsk streamingrekord dag éin, som resulterte i platinatrofé på under éin månad. Med si sjelfulle stemme og sterke formidlingsevne har han opparbeidd seg ein lojal fanbase. Dørene opnar kl 2100. Konsertstart kl 2300. ID: 18+ Medlem: 400,- Ikkje-medlem: 450,-

Adventsfest med Morkakoret //Mork Grendahus

Velkomen til julegrantenning og adventsfest i Morkabygda! Vi startar med tenning av grana i Korsen kl 1630. Deretter inviterer Morkakoret til adventsfest, mat og loddsal på Grendahuset. Inngangsbillett inkluderer mat. Morkakorpset kjem også, så dette blir ein kjekk ettermiddag saman. Barnekoret kjem også for å synge.

Konsert: Sunnmøre ungdomssymfoniorkester //Volda kyrkje

Vincent Bas Saxophone X DJ Mounir //TIK Cafè & Restaurant

Vicent er ein lidenskapleg saksofonspelar som er kjend for sin ekspertise innanfor sjangrane house, dance og elektronisk musikk. Han reiser rundt på ulike oppdrag både i Noreg og i utlandet og er kjend for å alltid levere god stemning og magisk saksofonimprovisasjon som gir nytt liv til musikk. Mounir er eit kjend namnd på DJ-fronten, og han leverer alltid varene. I mai spelte dei saman på Toppturfestivalen på Svalbard og dei har allereie blitt booka for festivalen i 2025. Saman er dei dynamitt!

Konsert "Juleglede i ord og tonar" med Follestaddal hornmusikk og Ervingen //Ørsta kyrkje

Billett kr 300,- /Familiebillett kr 900,-

Førjulssøndag //Brudavolltunet

Store og små er velkomne til Brudavolltunet søndag 1. desember. Det er mykje som skjer i gard og tun denne dagen. De kan følgje rebusløypa og bli meir kjend med tunet, lage vakre lys av bivoks oppe i nystova, høyre eventyr ved grua i den gamle kårstova, lage julepynt for å ta med heim, og kanskje spikke deg ein julenisse i eldhuset. Det blir julesong og juletre, og i driftsbygget kan du kjøpe deg kaffi og smake julekaker og spesialitetar frå Brudavollen. Endre Liaskar Granli spelar torader i kafeen kl 12:30, 13:30 og 14:30 Vi i Viti og Ørsta Bygdemuseumslag gler oss til ein kjekk førjulsdag på Brudavolltunet saman med deg.

Førjulssøndag //Volda Bygdetun

Volda sogelag inviterer til tradisjonell Førjulssøndag første søndag i advent. Som vanleg vert det ulike aktivitetar rundt om i husa. Lions kjem med utstyr til å støype tinnsoldatar. Hagelaget har med tomme kransar og masse grønt. Hos dei kan du lage din eigen julekrans. Ung Husflid vil vere på plass. Julekort og advendskalendarar av appelsin og nellikspikar står også på lista. Det vert eventyrstund i Kornbergstova, og nissen kjem sjølvsagt innom. Alle aktivitetane for barn er gratis. Hagelaget tek 60 kr i eigenandel for tilfanget til kransane. Ta gjerne med kvistar og anna pynt om du har. Gjenbruk av basen frå i fjor, er også lurt. Sogelaget har som vanleg kiosk med pølser, kaker, varme og kalde drikkar. Tombola i Heltneløda. Vipps eller kontant i kiosken og på tombolaen. Parkering nede på Andanesvegen.

Ei musikalsk julefortelling: Eit hjarte til jul //Aasentunet

Søndag 1. desember blir det familiekonsert med den musikalske juleforteljinga «Eit hjarte til jul» i Aasentunet. Du kan også kike på kunstutstillinga vår i Salen, med kunstverk laga av barnehageborn i regionen. Kunstverka hentar inspirasjon frå boka Eit hjarte til jul. Nora er ni år. Ho gler seg til jul, men ho gruar seg òg. Mamma ligg på sjukehus. Ho treng eit nytt hjarte for å bli frisk. Vil mamma få eit hjarte i tide, og om det vil kome før jul? Aasentunet er ope kl 1200 – 1600.

Nordveven-tonar til naturen //Ørsta kulturhus

Nordveven er eit musikalsk bilete på korleis musikk og natur, er fletta saman, som ein vev av melodiar og bilete. Nokre gonger sart og stille, medan andre gonger meir høgrøysta og vilt, slik naturen er. På konserten vert du teken med gjennom ei reise musikalsk og visuelt. Torgrim Skjerdal og Øyvind Krøvel har kome i lag som tonekunstnarar, og saman har dei gjeve ut fleire eigne komposisjonar. Det musikalske utrykket er ei blanding av tradisjonsmusikk, folkemusikk, klassisk, men også musikk med eit snev av akkorder med tal i seg.

Vår jul //Volda kyrkje

Christian Ingebrigtsen, Maria Arredondo, Torstein Sødal, Gaute Ormåsen, Agnete Saba, Frøydis Grorud og kapellmester Øystein Lund Olafsen inviterer deg med dette inn i sitt musikalske univers. Menyen er skreddersydd for deg som vil senke skuldrene og bli fylt med juleglede. Til lyden av klangfulle melodilinjer fra artistene i harmoni med ekte, nær og lun historieforteljing. Du blir servert deilige rettar: frå dei nære, norske julesongene til vakre ballader som er kledd i mektige melodiar. Ervingen Blandakor blir også med denne kvelden!

12-konsert med SAMS //Volda kyrkje

SAMS er ei vokalgruppe som oppstod i 2020. Då bestod gruppa av fire songglade personar. Frå februar 2024 består SAMS av åtte medlemar busett i Ørsta/Volda: 🔸Gunn Marit Lid (sopran) 🔸Janne Kristin Lid (sopran) 🔸Sissel Ørstavik Aase (mezzosopran/fiolin) 🔸Ann Helen Thorup (mezzosopran) 🔸Astrid Vartdal de Laer (alt) 🔸Kristin Kibsgaard Sjøhelle (alt) 🔸Gro Osborg Endal (alt) 🔸Nina Vedeld Telseth (alt) Medlemmene i gruppa er alle samde i at dei likar å synge all mogleg slags musikk. Inngang 100 kroner. Born under 12 år går gratis. Overskotet frå konsertserien går til orgelfornyingsprosjektet.

Jazzkafè- Solstad Dahl-SolNor

Denne laurdagen vert det duomusikk med gitar og piano. Musikken som vert framført er ei blanding av orginalskriven musikk og kjende standardlåtar. Musikken kan skildrast som lyrisk med ein del rytmiske overraskingar. Dersom du vil slappe av med eit moderne lydbilde som gjev deg assosiasjonar til pianistar som Keith Jarrett, Bill Evans og gitaristar som Pat Metheny og Jim Hall er dette plassen å gå. Både Norvald Dahl (piano) og Stein Helge Solstad (gitar) har gjeve ut fleire soloplater og også medverka på andre sine innspelingar. Velkomen til Jazzkafe!

Fights + Yesterdaze //Stødt Bar & Scene

Det Oslobaserte bandet FIGHTS serverer rask, morosam og aggressiv punk og hardcore med ein liten splash boogie. 21.April 2023 slapp bandet endeleg sitt etterlengta debutalbum “Scampirock” som sidan har vorte hyppig spelt på NRK Radio gjennom året! Konsertstart kl 2200. Aldersgrense 18 år. Sal av billettar på TIKKIO

Jul med Merkesteinane //Ørsta kulturhus

Merkesteinane held førjulskonsert med matykt og åresalg i flatsalen på Ørsta Kulturhus. Billettpris: 250,-

Ventetid med Stemt //Hjørundfjord kyrkje

Med konserten «Ventetid» ønsker Stemt å skape håp og glede, men også å vekke ettertanke og undring i adventstida. Repertoaret består av både kjende og kjære, men også nyare julesongar, i spennet frå det klassiske til det meir folkelege og populærkulturelle. Stemt tilfører songane eit heilt eige særpreg, med sin varme klang og gode nærvær. Billettar kjøpast i døra (vipps/kort/kontant): Vaksen/Honnør 300,-/ Studentar/ungdom 200,-/ Born under 12 år: GRATIS

Konsert: Stemt //Volda kyrkje

Meir informasjon kjem.

Teatret Vårt: Den vesle bygda som gløymde at det var jul //Ørsta kulturhus

Basert på historia av Alf Prøysen. Det lir mot jul og menneska er travelt opptekne med å stelle alt i stand, gåver skal pakkast, graut kokast, sko pussast … Men, det er noko uforklarleg som skjer. Det knirkar og taslar i gongane, merkelege og mystiske ting skjer stadig vekk. Kor vart det av matpakka som låg klar på bordet? Kven slår på lyset om natta? Kven er det som stadig vekk stikk av med nøkkelen til sjefen, og kven har gnaga på julepynten? Ingen har heilt klart å oppdage kva alt dette mystiske er, sjølv om det har vore nære på nokre gongar. Passer for barn frå 4 år.

Bjørn Tomren-Jul på godt og vondt //Ørsta kulturhus

jørn Tomren, som vart folkeeige og omtalt som «den kuleste artisten i Stjernekamp gjennom tidene» etter sigeren i 2021. Fjorårets turné, «Med et anstrøk av jul», vart ein kjempesuksess. Konserten spelte for fulle hus frå Kristiandand i sør til Harstad i nord, og tilbakemeldingane og jubelen frå publikum var klar: Dette måtte gjentakast! På vegen skal dei gjere sitt ytterste for å gi det norske folk eit forsiktig snev av julestemning, med eit variert repertoar og lune, morosame historier, levert på måten berre Bjørn Tomren kan. Billettar på nettstaden til kulturhuset kr 690,-

Julekonsert med Volda Mannskor //Volda kyrkje

Musikarar og gjestar; Øyvind Skatvedt Robak og Dalsfjord BluegrassBand.

Konsert med Håvard Dalsbø //Ervingen ungdomshus, Hovdebygda

Røysta frå Ytre-Hovden Med si djupe, særmerkte røyst og sjølvskrivne sterke låtar leverer Håvard Dalsbø mjuk americana og lun country som ingen andre her omkring. Håvard har skrive og spelt inn ei rekke låtar i lag med bandet sitt. Desse finn du på strøymetenestene, gitt ut under namnet Dalsbø. Men på Huset denne kvelden får du oppleve Håvard aleine med gitaren, heilt tett på. Dette vert sårt, fint og ekte – og eit perfekt pusterom i førjulsstria. Me deler konserten inn i to små sett, så det òg vert tid til å berre vere i lag og snakke med kvarandre. Arrangementet er for vaksne, med sal av vin, øl, brus, kaffi og te.

Vi syng og spelar jula inn //Volda Kyrkje

Tradisjonell julekonsert med lokale kor, korps og solistar som framfører advents- og julemusikk.

Konsert med Sweetheart //Ørsta kulturhus

Den melankolske americanaduoen Sweetheart består av låtskrivar John-Arne Ø. Gundersen (gitar og vokal) og Anne Mette Hårdnes (piano og vokal). Dei likar å kalle seg verdas tristaste rockeband. I 2020 melde Sweetheart seg for alvor på den veksande americanabølgen – også omtalt som nordicana – med utgivelsen av debutalbumet «Sweetheart», som vart kritikarrost for sin lavmælte melankoli og omtala som eit av årets vakraste album. I 2021 vart dei belønna med Spellemannpris for debutalbumet i sterk konkurranse med Malin Pettersen, Darling West og Johan Berggren.

Are Kalvø-Berre bønder lengtar heim //Ørsta kulturhus

Are Kalvø har vore komikar i ganske mange år. Han har levd i endå fleire år. Og i alle dese åra er det ein konflikt som alltid vender tilbake: By mot land. Slike konfliktar har skapt dårlig stemning så lenge Kalvø har levd, på ulike måtar, både i Norge og i andre land: Sentrum mot utkant. Elite mot folk. Tida er inne for å legge desse konfliktane bak oss og heller bruke tida vår på å løyse dei store problema i verden. Tida er inne for å bygge bru mellom by og land. Og bli ferdig med dette, ein gong for alle. Billettar kan du kjøpe på Ørsta kulturhus sin nettstad. Student kr 400,-, Gruppe kr 445,- pr billett og ordinær kr 470,-