Det unike med Naturfestivalen er den store variasjonen av tilbod. Toppturentusiastar får testa grensene sine, born og ungdom får prøve spanande aktivitetar, og dei som vil rusle ein tur på gamle stiar i godt lag, kan gjere det. Kulturopplevingane er også ein særs viktig del av Naturfestivalen, og dette gjev arrangementa ein ekstra dimensjon.

Denne helga kan du bli med balansekunstnar Eskil Rønningsbakken på Camp i Romedalen. Eskil har samarbeidd med Naturfestivalen i Ørsta i mange år. Saman arrangerer me ein unik naturcamp i Romedalen, der ein kan oppleve ei rekkje spanande aktivitetar i ein av dei vakraste fjellheimane i Noreg. Campen er basert på at du sjølv har med naudsynt utstyr for å overnatte ute, medan vi syter for aktivitetar, turar, underhaldning og mange gode smakebitar laga til ute i friluft. Born og unge under 15 år må vere i fylgje med vaksne.

‍
Ver merksam på at alle deltakarar må ta med eige telt, overnattingsutstyr, mat og drikke. Det blir servert berre mindre smakebitar til lunsjen laurdagen. Søndag sel me grillmat til lunsj. Campen er primært for familiar, og det er ikkje naudsynt å melde seg på. Hundar er også velkomne, men berre om dei er veloppdregne, i band og trygge både for menneske, andre hundar og andre dyr.

‍

Naturfestivalen blir arrangert siste helga i juli og fyrste helga i august.

Tlf. +47 913 67 470

‍

Foto 1: Naturfestivalen, foto 2: Olve Øyehaug, foto 3: Tussa, foto 4: Naturfestivalen